Komunën e Fushë-Kosovës sot e vizitoi përfaqësuesi i lartë i BE-së z.Samuel Zhbogar. Agjenda e takimit ishte shumë intensive, duke filluar nga ora 10:00 në zyrën e Kryetarit të Komunës z.Burim Berisha. Pjesëmarrës në takim ishin edhe bashkëpunëtorë nga të dy palët ku u bisedua për zhvillimet aktuale në Komunën e Fushë-Kosovës dhe perspektivën e kësaj komune.
– z. Zhbogar vlerësoi lart angazhimet e Komunës në zhvillimin ekonomik, arsimor, shëndetësor, ndëretnik, politik e të sigurisë. Premtoi se nuk do të mungojë edhe në të ardhmen angazhimi i BE-së në realizimin e projekteve të kërkuara nga Komuna për qytetarët e saj.
Deri më tani BE-ja ka investuar në Komunën e Fushë-Kosovës, në projekte të ndryshme, siç janë: investimet në kanalizime, shkolla, salla të sportit, ndërtesa e Komunës që është në realizim etj.
– Turneun e tij nëpër komuna, z.Zhbogar e filloi në komunën tonë. Pastaj vizitoi Radio K., pas saj vizitoi shkollën e mesme ‘Hivzi Sulejmani’ ku bashkëbisedoi rreth 1 orë me nxënës për çështje të ndryshme arsimore, kulturore, për perspektivën e të rinjve, stabilizim asocimin, liberalizimin e vizave, avancimin e të rinjve e të ngjashme.
– Zhvillimi ekonomik ishte një prej temave kryesore dhe për të njohur këtë lami në Komunën tonë vazhduan vizitat në firmat Eulo Lona, Bylmeti dhe Tre Pharm. U zhvillua edhe një takim me disa biznesmenë të tjerë ku z.Zhbogar u njoh në detaje lidhur me problemet dhe perspektivat e këtyre firmave.
