Ishte Shkupi dhe Fushë-Arrzi dy qendrat ku në këtë vikend Ansambli nga Fushë-Kosova performoi dhe shpalosi koloritin e bukur të këngës, valles dhe koreografisë së bukur shqiptare.
Përderisa grupi i parë u prezantua në Shkup në festivalin ndërkombëtar të folklorit “Folk Festival SHKUPI 2018” grupi i dytë prezantoi në festivalin mbarëkombëtar të Instrumentistëve të Vegjël që u mbajt në Fushë-Arrëz të Shqipërisë. Emblema e rinisë nga Fushë-Kosova, Ansambli “Zëri i Kosovës” u shpërblye me mirënjohje dhe çmime në të dy festivalet.
Kjo armatë e të rinjve e të gjitha grupmoshave nga Fushë-Kosova që po japin maksimumin për një prezantim dinjitar brenda dhe jashtë Kosovës po mbështetët dhe përkrahet fuqishëm nga Drejtoria e Kulturës, Rinisë dhe Sportit e Komunës së Fushë-Kosovës.
