Programi i Fuqizimit të Familjes së SOS Fshatrave të Fëmijëve në Fushë-Kosovë në bashkëpunim me Qendrën për Punë Sociale, sot realizoi punëtorinë e radhës me temën: “Roli, detyrat dhe përgjegjësitë e anëtarëve të Tryezës për Menaxhimin e Rastit” ( TMR-së).
Në punëtori morën pjesë përfaqësues të DSHMS-së, QKMF-së, Qendrës për Punë Sociale, DKA-së, drejtorët e shkollave, Shërbimi Sprovues, Njësiti Anti-trafikim, Policia e Komunitetit, Sektori kundër dhunës në familje, OJQ-të ‘The Ideas Partnership’, ‘Terre des Hommes’ dhe ‘Akti’.
Qëllimi i kësaj punëtorie ishte bashkëpunimi ndërsektorial në menaxhimin e rastit dhe fuqizimi dhe bashkëpunimi ndërsektorial në ofrimin e shërbimeve për fëmijë dhe familje. Po ashtu u diskutua mbi rolin dhe përgjegjësitë e anëtarëve, praktikat e menaxhimit dhe ofrimin e shërbimeve për rastet.
Nga ky takim doli rekomandimi që akterët e lartpërmendur të bashkëpunojnë sa më shumë në avancimin e punës ndërsektoriale në mbrojtjen e fëmijëve.
Ky aktivitet u realizua ne kuadër te projektit “Shërbime efikase për jetë të pavarur”, projekt ky i zbatuar nga SOS Fshatrat e Fëmijëve të Kosovës, i cili është i financuar nga Zyra e Bashkimit Evropian në Kosovë, i bashkë-financuar nga Agjencia Suedeze për Zhvillim dhe Bashkëpunim Ndërkombëtar (SIDA), mbështetur nga “Save the Children” në Kosovë në bashkëpunim me Qendrën Evropiane për Politika të Mirëqenies Sociale dhe Kërkim.
