Kryetari Burim Berisha uron të gjithë qytetarët e komunës së Fushë-Kosovës me rastin e ndërrimit të moteve, duke ju dëshiruar shëndet, mirëqenie, harmoni dhe suksese ne të gjitha sferat e jetës.
“Në emër të të gjitha institucioneve komunale të Fushë-Kosovës, ju uroj festën e Vitit të Ri, duke ju dëshiruar paqe, mbarësi, mirëqenie, lumturi e harmoni në familjet tuaja në vitin 2015.
Në këtë çast kremteje, ne të gjithë duhet të jemi më afër njerëzve që u duhet ndihma, dhe të cilët kanë nevojë për përkrahje, dashuri, dhe kujdes.
Duke u angazhuar për mirëkuptim dhe solidaritet, besoj shumë që do të arrijmë të realizojmë programin për zhvillimin e Komunës sonë, për jetë dhe mirëqenie më të mirë për çdo qytetar dhe çdo familje në komunën e Fushë-Kosovës”, thuhet në urimin e kryetarit Berisha, drejtuar qytetarëve të komunës së Fushë-Kosovës.
