Në ambientet e shkollës fillore ‘Vëllezërit Frashëri’ në Miradi, u promovua monografia “MIRADIA E POSHTME GJATË PERIUDHAVE HISTORIKE” e autorit Sahit N. Dragusha. Për rëndësinë e kësaj monografie foli prof dr. Jusuf Osmani, i cili vlerësoi lartë këtë monografi, sepse për të realizuar një vepër si kjo duhet mund dhe kohë, e për këtë autori nuk kurseu asgjë nga vetja e tij vetëm e vetëm për ta pasqyruar në mënyrë sa më të detajuar historikun e këtij fshati.
Për monografinë folën edhe prof.dr Shefki Sejdiu, prof dr. Mehmet Halimi dhe prof. Hasan Dumani. Kryetari i Komunës së Fushë-Kosovës Burim Berisha i dhuroi disa libra dhe një pikturë kësaj shkolle, e cila është shembull për kujdesin dhe pastërtinë jo vetëm ne Fushë-Kosovë por në gjithë Kosovën.
Në fund të këtij promovimi autori Sahit Dragusha falënderoi të gjithë ata që kontribuuan që kjo monografi të shoh dritën, e në veçanti falënderoi recensentin, konsultantët dhe komunën e Fushë-Kosovës për sponsorizimin dhe ndihmën e ofruar
