Mbledhjen e kryesoi kryesuesi, z. Burim Berisha, i cili në fillim të mbledhjes uroi të pranishmit për marrjen e detyrës si anëtar të rregullt të KKSB-së në Fushë-Kosovë.
Pasi u aprovua, unanimisht, rendi i ditës për këtë mbledhje, kryesuesi Berisha tha se situata e sigurisë që nga zgjedhjet lokale vazhdon të jetë një situatë e qetë dhe pa probleme.
Tutje z. Berisha tha se KKSB-ja në Fushë-Kosovë do të mbetet një nga segmentet më të rëndësishme sepse ky këshill përbëhet nga përfaqësues të të gjitha komuniteteve si dhe nga përfaqësues nga Komuna, Policia, FSK, Liderët Fetar etj.
Komandantja e stacionit të policisë në Fushë-Kosovë, znj. Vjollca Hoti, tha se duke pasur parasysh gjendjen e sigurisë dhe rastet gjithëpërfshirëse në krahasim me tremujorin e parë të vitit të kaluar, këtë tremujorë gjendja është më e mirë.
Edhe Islam Shabani, drejtor i Arsimit në komunë dha disa informacione për gjendjen e sigurisë nëpër shkolla, kurse Qerim Gara ngriti disa shqetësime për komunitetin RAE duke potencuar sidomos disa lokale që punojnë deri në orët e vona të natës, rruga që lidhë lagjen e këtij komuniteti dhe fshatin Kuzmin si dhe problemi i qenve endacak dhe ai i mbeturinave.
Anëtarët e KKSB-së formuan grupin punues për hartimin e Planit Vjetor të punës së KKSB-së.
