Qytetarët e komunës së Fushë-Kosovës në debat publik shqyrtuan draft. Raportin e Vlerësimit Strategjik Mjedisor për PZHK-në e Fushë-Kosovës. Ky takim publik është pjesë e hartimit të këtij raporti dhe organizohet nga Komuna e Fushë-Kosovës në bashkëpunim me Kompani konsulente: KOSOVA-ECO-Kline.
Qytetarët e Fushë-Kosovës dhe palët tjera të interesuara kishin rast të informohen, diskutojnë dhe të japin propozimet finale të tyre rreth masave të propozuara në Draft Raport si dhe inkorporimin e tyre ne dokument. Në fjalën përshëndetëse të këtij takim Kryesuesi i Kuvendi të komunës z.Jakup Ternava tha se komuna e Fushë-Kosovës është në rrugë të mirë që të hartojë edhe një dokument shumë të rëndësishëm për komunën .
Ndërsa z. Shukri Shabani përfaqësues nga MMPH-ja tha se është kënaqësi e veçantë të jetë prezentë në këtë debat në të cilin po shqyrtohet një dokument shumë i rëndësishëm për komunën tuaj. Vlera e këtij dokumenti është edhe më e rëndësishme për faktin se është realizuar nga vet komuna, me përkrahjen e kompanisë konsulte, andaj këtë dokument duhet ta trajtoni si të juajin dhe duhet të kontribuoni në plotësimin dhe përmirësimin e tij.
Prezantimin e Dokumentit para qytetarëve e bënë z.Adnan Bullatovci ,menaxher i Projektit nga ana e Komunës, si dhe përfaqësuesi i zyrës konsulente Z.Lush Tunaj. Pas prezantimit pasoi edhe debati me qytetarët ku u dhanë propozime të ndryshme në pasurimin këtij dokumenti.
