Inaugurimin e këtij projekti të përbashkët të Komunës së Fushë-Kosovës dhe CDF (Community Development Fund ), e bënë kryetari i Komunës së Fushë Kosovës, Burim Berisha, dhe drejtoresha ekzekutive e CDF, zonja Nermin Mahmuti. Mbikalimi i sapo përfunduar kap vlerën e afro 90.000 €, mjete këto të cilat janë sigurua nga CDF nëpërmjet Bankës Botërore dhe Komunës së Fushë-Kosovës.
Në fjalën e tij kryetari i Komunës së Fushë Kosovës, Burim Berisha, tha se ky mbikalim ishte shumë i dëshiruar për të gjithë qytetarët e në veçanti për nxënësit e kësaj shkolle të cilëve iu kanosej rreziku për çdo ditë. Tani e tutje siguria për këta nxënës është shumë më e madhe sepse ky mbikalim i mundëson atyre që lirshëm të frekuentojnë. Kryetari Berisha premtoi se shumë shpejt do të fillojnë edhe me dy mbikalime të tjera dhe kështu qytetarët do të kenë më të lehtë kalimin nga njëra anë në tjetrën.
Edhe drejtoresha e CDF, zonja Nermin Mahmuti, pasi falënderoi Komunën e Fushë-Kosovës dhe kryetarin Berisha tha se “sot jemi shumë të gëzuar që kemi arritur që të realizojmë këtë projekt të përbashkët, të cilin qytetarët e Fushë-Kosovës e kishin shumë të nevojshëm, sidomos në këtë pjesë të qytetit ku është edhe shkolla. Zonja Mahmuti tha se projekti i mbikalimit nuk është i pari dhe se nuk do të jetë as i fundit në komunën e Fushë-Kosovës”.
