Me qëllim të informimit dhe koordinimit të aktiviteteve përgjatë këtij viti, kryesuesi i Kuvendit të Komunës z.Ali Ismaili edhe sot kishte takime të rëndësishme në zyrën e tij. Fillimisht z.Ismaili takoi drejtorët e Drejtorive Komunale me të cilët diskutoi kryesisht për planin e punës dhe projektet që pritet të realizohen gjatë këtij viti.
Në kuadër të takimeve të rregullta kryesuesi Ismaili priti edhe përfaqësuesit e subjekteve politike nga radhët e komuniteteve të përfaqësuara në Kuvend, si dhe Grupin e Grave për Avokim dhe Barazi Gjinore me të cilat u njoftua për së afërmi për iniciativat e tyre dhe projektet që kërkojnë mbështetjen e Kuvendit Komunal.
z.Ali Ismaili gjatë këtyre takimeve u shpreh i gatshëm për angazhim të përbashkët dhe transparencë për të mirën e qytetarëve të komunës së Fushë-Kosovës.
