Prishtinë 29 tetor, 2012 – Ministria e Integrimit Evropian së bashku me Zyrën e Kryeministrit të Kosovës z. Hashim Thaçi, Ministrinë e Administrimit të Pushtetit Lokal dhe Ministrinë e Punëve të Brendshme kanë organizuar takimin me Ministra, Kryetarë të Komunave, anëtarë të Këshillave të Sigurisë në Bashkësi dhe përfaqësues të institucioneve ndërkombëtare: Shefin e Zyrës së Bashkimit Evropian në Kosovës Z. Samuel Žbogar, Koordinatoren e agjencive të Kombeve të Bashkuara në Kosovë znj. Osnat Lubrani, Udhëheqësin e Misionit të OSBE-së në Kosovë Z. Jean-Claude Schlumberger.
Me qëllim të legjitimimit të KKSB-ve, Ministria e Administrimit të Pushtetit Lokal së bashku me Ministrinë e Punëve të Brendshme duke u bazuar në Ligjin për Policinë Nr. 03/L-035, kanë nxjerrë, dhe kanë krijuar bazën ligjore për themelimin e këtyre mekanizmave. Kjo bazë ligjore është avancuar dhe përmirësuar me nxjerrjen e Udhëzimit Administrativ për KKSB, duke iu përshtatur kërkesave apo vështirësive të komunave, në mënyrë që këto trupa të jenë edhe më funksionale.
Aktualisht KKSB është themeluar pothuajse në të gjitha komunat e Republikës së Kosovës. Megjithëse jemi të vetëdijshëm për vështirësitë e komunave në kryerjen e obligimeve të tyre të përditshme, ende ekziston nevoja për qasje më serioze ndaj funksionalizimit të këtyre trupave u than ë këtë takim.
Në këtë kontekst, mbetemi me shpresë që komunat të harmonizojnë veprimet e tyre konform provizioneve ligjore që përcaktojnë funksionimin dhe funksionalizimin e Këshillave Komunale për Siguri në Bashkësi.
Ministria e Administrimit të Pushtetit Lokal dhe Ministria e punëve të brendshme në vazhdimësi monitorojnë organet komunale, duke përfshirë këtu edhe Këshillat Komunale për Siguri në Bashkësi. Ne mendojmë që monitorimi i vazhdueshëm dhe përkrahja e KKSB-ve do të shërbej si mjet për përforcimin e rolit të këtyre trupave. Synim i përbashkët i të gjithë neve është angazhimi në funksionalizimin e plotë të KKSB-ve, ku çdo qytetar do të mund t’i shpreh brengat dhe shqetësimet që e rëndojnë u tha në takimin me kryetarët e Komunave të Kosovës, me përfaqësuesit e Këshillave Komunal të Sigurisë në Bashkësi dhe me përfaqësues ndërkombëtarë në Kosovë.
Prezent në takim nga komuna e Fushë-Kosovës ishte Ali Topalli si përfaqësues i KKSB.
