Me këtë rast, Kryetari i Komunës ka falënderuar z.Berisha për kontributin shumëvjeçar në jetën publike dhe që me përkushtim ka realizuar projekte shumëdimensionale për qytetarët e Komunës së Fushë Kosovës.
z. Berisha që nga vitet 90-ta ka qenë i përfshirë në të gjitha proceset më të rëndësishme në jetën politike e administrative duke dhënë një kontribut të pakontestueshëm në zhvillimin e sistemit arsimor dhe më pastaj në zbatimin e shumë projekteve në fushën e shërbimeve publike. Angazhimi i tij për dekada ka lënë gjurmë të pashlyera në historinë e shtet ndërtimit dhe ka shërbyer si model për angazhimin e pashoq në të gjitha zhvillimet përgjatë këtyre 3 dekadave në Komunën e Fushë Kosovës.
