Pas Garave të Diturisë, në mesin e 32 shkollave të Kosovës, të cilat morën pjesë në Kuizin ‘Evropa 2014’,Shkolla Fillore e Mesme e Ulët “Mihal Grameno”, nga Fushë-Kosova, arriti në finale dhe më 2 Prill 2014, u ballafaqua me Shkollën Fillore të Mesme të Ulët “Tefik Çanga” nga Ferizaji.
Fati nuk na buzëqeshi që të ishim fitues të finales edhe pse ishim më të përgatitur si ekip, andaj ferizajasit fituan finalen, të cilët do të shfrytëzojnë ekskursionin 12 ditor
për të vizituar disa nga shtetet e Bashkësisë Evropiane, ndërsa në vendin e dytë na është premtuar se Zyra e BE-së në Kosovë, Ministria e Arsimit dhe Kuvendi i Komunës të na organizojnë në shëtitje në shtetet e rajonit.
Ekipi i shkollës së Fushë-Kosovës:
1.Vigan Llladrovci………kl.IX-1
2.Eglantina Bibaj……………kl.IX-2
3.Shkëlqim Syla…………….kl.IX-2
4.Arlinda Haliti…………..kl.VIII-1
5.Festina Mehanolli…….kl.VIII-2
Meritor për suksesin e ekipit janë të gjithë mësimdhënësit dhe komuniteti i prindërve, të cilët na kanë përkrahur prej fillimit.
Kontribut i veçantë i takon Drejtorit të Shkollës, Ismet Gashi, Koordinatorit, prof. Rexhep Veliu, profesoreshave Blerta Ferati dhe Bukurije Krasniqi.
