‘Koha Ditore’ edhe një herë shpif dhe mashtron për Komunën e Fushë-Kosovës.
Ne si Zyrë për Informim duke e lexuar shkrimin në ‘Kohën Ditore’ jemi të befasuar me shkrimin të cilin e keni bërë për Komunën e Fushë-Kosovës, (sepse ju thoni se nga paslufta keni dhënë miliona euro), por ju nuk keni faj që nuk e dini se dezinformuesi z. Ylber Islami ju ka keqinformuar. Kjo dëshmon se ky sharlatan është inkuadruar vonë në politikbërjen në Komunën e Fushë-Kosovës dhe me çdo kusht tenton të keqinformojë opinionin e Fushë-Kosovës, gjë që nuk e ka arritur dhe nuk do ta arrijë kurrë. Dëshmitari më i mirë është qytetari dhe votat plebishitare të qytetarëve të Fushë-Kosovës.
Sharlatani në fjalë është duke e shfrytëzuar si vegël edhe Kryetarin e grupit parlamentar të PDK-së, Naser Graiçevcin, (të cilët janë dajë e nip) për të keqinformuar opinionin. Ju z .Naser Graiçevci merruni me aktakuzat të cilat u janë ngritur nga EULEX-i për keqpërdorim të parasë publike në Parkun e Biznesit.
Sqarim: Me të përfunduar lufta ju z. Naser Graiçevci keni qenë kryetar i Komunës së Fushë- Kosovës në qeverinë e përkohshme. Me të përfunduar mandatin, jo si kryetar i zgjedhur i popullit por me një vendim, siç janë bërë atë kohë, kur u futët në zgjedhje humbët ashtu siç humbët duke mos dashur t’iu kujtojmë sepse është e dhimbshme për ju. Pas teje kryetar ka ardhur z. Skënder Zogaj, andaj si mund të akuzoni kryetarin aktual z. Burim Berisha për kinse keqpërdorjen e miliona eurove që nga paslufta.
Shpifni se nuk kemi pasur transparencë, por ne jemi fitues nga USAID për performancë, si Komuna më Transparente në Kosovë gjatë periudhës 2011-2014.
E njoftojmë “zëdhënësin” e Kohës Ditore në Fushë-Kosovë, Sharlatanin Ylber Islami, se mbiemrat të cilët i ka potencuar më lart janë këta mbiemra që e përbëjnë Komunën e Fushë-Kosovës: Bullatovci, Obërtinca, Krasniqi, Berisha, Dumani, Dervisholli, Sllamniku, Jashanica, Zogiani, Sopiani, etj. Ne nuk i ndajmë qytetarët tanë në bazë të mbiemrave ashtu siç ju keni tendencë të bëni ndasi dhe ne si Komunë nuk po mund ta kuptojmë hallin që ke, por hallet tuaja janë të shumta?
Rregulloret të cilat miratohen dhe punohet sipas tyre nuk ka rëndësi në cilën legjislaturë miratohen, por ato duhet të jenë funksionale.
Këshillë: Z. Islami, jeni shumë i dobët në Facebook dhe nuk po mund ta gjeni rrugën e like-ve.
Këto janë faktet e pamohueshme të cilat ua paraqesin gjendjen reale:
- Në arsim janë 188 përfituesë (asnjë familjar i Kryetarit)
- Në shëndetësi 279 përfituesë (asnjë familjar i Kryetarit)
- Në bujqësi 562 përfituesë (asnjë familjar i Kryetarit)
- Në total janë 1029 familje
Por, kjo është shpifje e “zëdhënësit” tuaj nga VV kinse subvencionet janë dhënë për blerjen e votave, sepse qeverisja është shumë më kreative dhe shumëdimensionale se sa subvencionet. Ne do të vazhdojmë me dhënien e subvencioneve për të ndihmuar qytetarët tanë dhe për vitin 2014 kemi ndarë mjete në shumë prej 711.981 euro.
