Mbi urën që qon deri te vendi i quajtur “Gospoja”, në mes të fshatrave Bardh i Madh dhe Grabovc, ku konzerciumi Bechtel-Enka ka filluar të gërmoj për materialin që do të përdorë për autostradën, sot një numër i madh i banorëve të këtyre fshatrave doli dhe shprehu pakënaqësitë duke kundërshtuar në mënyrë të fuqishme këtë kompani që të ndaloj punimet dhe të mos bëj eksploatimin e këtij materiali për nevojat e autostradës.
I pranishëm në këtë protestë, kryetari i Komunës, z.Burim Berisha, në fjalën e tij duke iu drejtua të pranishmëve tha se ‘ne kemi kërkuar nga Ministritë dhe Agjencionet përkatëse që të mos gërmojnë në këtë vend dhe jemi të vendosur në kërkesat tona’.
Është e pa qëndrueshme dhe me asnjë çmim nuk lejohet prishja e këtij ambienti kaq të mirë e që ka vlera arkeologjike, pastaj liqenet për rreth, bota bimore dhe shtazore etj.
Banorët e këtyre fshatrave edhe ashtu janë të rrezikuar nga ndotja e madhe e ambientit që vjen nga Feronikeli, Gurthyesit e komunës së Drenasit, Termoelektranat e KEK-ut dhe Mihjes Sipërfaqësore në Bardh të Madh, than Elmi Gjigoli, Avni Zogjani e Afrim Sogojeva banorë të këtyre fshatrave.
Do të bëjmë të gjitha përpjekjet dhe prapë do të ngrehim zërin e protestës që të ndalojmë këtë ndërhyrje të egër, që po bëhet ndaj natyrës në komunën e Fushë-Kosovës, u tha në fund të kësaj proteste një orëshe ku nuk munguan edhe një numër i madh i mediave.
