Kryetari i Komunës së Fushë-Kosovës z. Burim Berisha së bashku me Drejtorin e Financave, z. Ramadan Jashanica, kanë pritur sot ushtarët e FSK-së nga Komuna e Fushë Kosovës që morën pjesë në operacionin e kërkim-shpëtimit në Turqi, të përbërë nga Drejtori i Qendrës Trajnuese Ndërkombëtare dhe kërkim-shpëtimit në Kosovë, z. John Doone, ushtarët, Valdrin Kelmendi, Ekrem Tërnava, Berat Xhigoli, Qendrim Berisha, Arlind Mjeku, Adonis Krasniqi dhe Faton Krasniqi.
Kryetari Berisha i përgëzoi ushtaret dhe u ndau mirënjohje dhe tha se puna juaj pasqyron vlerat tona humane dhe u jemi përherë mirënjohës për punën tuaj duke përmbyllur me sukses edhe një mision fisnik në shpëtimin e jetëve nga tragjedia në Turqi.
Po ashtu Kryetari tha se jemi me fat që në raste të tilla fatkeqësie përvoja dhe suksesi juaj në këtë fushë është siguria jonë, andaj ju jeni krenaria e shtetit tonë!
