Kryetari i komunës së Fushë-Kosovës, z.Burim Berisha priti në takim përfaqësuesit e Organizatës Joqeveritare “Demokracy Plus” të kryesuar nga z. Albert Krasniqi menaxher i projekteve dhe z.Valmir Sadiku koordinator i projekteve.
Në takim u diskutua për rezultatet e arritura në projektin me Forumin Qytetarë i implementuar nga “Demokracy Plus” në komunën tonë përkatësisht në fshatrat Lismir dhe Miradi e Epërme. Nga ana e tij kryetari Berisha informoi ata për projektet që janë duke u realizuar në komunë e ku pjesë e tyre do të jenë edhe ato të propozuara nga banorët e këtyre dy fshatrave.
Në fund të takimit u theksua rëndësia e vazhdimit të bashkëpunimit në mes të “Demokracy Plus” dhe Komunës.
