Turneu Ndërkombëtar i Karatesë “Fushë-Kosova OPEN 2020” u organizua nga Drejtoria e Kulturës, Rinisë dhe Sportit, Federata e Karatesë së Kosovës dhe Klubi i Karatesë “Fushë-Kosova”. Ky turne ishte i VII-ti me radhë dhe është ndër më masivët që mbahet në Kosovë e ku morën pjesë mbi 600 garues nga disa shtete, si: Kosova, Shqipëria, Mali i Zi dhe Maqedonia e Veriut.
Turneun e hapi nënkryetari Komunës së Fushë-Kosovës, z.Fadil Krasniqi, i cili në mes tjerash tha se Fushë-Kosova tashmë është bërë qendër e turneve ndërkombëtare e kjo krejt bëhet fal përkushtimit të Komunës, e cila u krijon kushte të mira sportistëve në infrastrukturë dhe subvencionim.
Nënkryetari Krasniqi iu dëshiroi suksese garuesve duke iu premtuar se edhe në të ardhmen do të vazhdojmë me përkrahje dhe me organizime edhe më të mira të këtyre ngjarjeve të rëndësishme sportive për komunën tonë.
Garat u zhvilluan në tri arena sportive të mbuluara me tatami ku pati luftëra të ashpra për medalje.
Fitues të medaljeve të arta, argjendta dhe të bronzta ishin shumë karateist nga dy klubet e Fushë-Kosovës por edhe nga vendet pjesëmarrëse.
Turneu u organizua nën patronatin e kryetarit të Komunës së Fushë-Kosovës, z. Burim Berisha, të cilit iu nda Mirënjohje nga Federata e Karatesë së Kosovës për kontributin e dhënë në avancimin e këtij sporti. Po ashtu mirënjohje iu nda edhe drejtoreshës së DKRS-së, znj. Nurije Avdiu, e cila ndau edhe medaljet dhe kupat për fituesit e këtij turneu.
