Për nderë të “Ditës Ndërkombëtare të Gruas”, në Fushë-Kosovë, nga datë 07.03.2022 deri më 11.03.2022 është mbajtur fushata “JAVA E BARAZISË GJINORE”.
Qëllimi i fushatës ishte që përmes aktiviteteve të promovohet barazia gjinore, sensibilizimi i përgjithshëm për rolin dhe pozitën e gruas në shoqëri.
Aktivitetet e realizuara në bashkëpunim me Grupin e Grave Asambleiste dhe Grupin Avokues për Barazi Gjinore, gjatë kësaj periudhe kohore ishin:
Vizitë në shkollat e Lismirit dhe “Mihal Grameno” me rastin e 7 Marsit , Dita e Mësuesit.
Marshojmë s’ festojmë , Grupi i Grave që i’u bashkua marshit në Prishtinë me moton “Drejtësi për Gratë e vrara”, me ketë rast nxënësit e SHFMU kanë përgatitur disa punime me moton Kundër Dhunës në Familje.
Tryezë me temë: “ Roli i gruas në nivel lokal” ku u diskutua për pozitën e gruas në nivel lokal. Në këtë tryezë zyrtarja për Barazi Gjinore, pasi vlerësoi rolin e grave në të gjitha proceset në Kosovë, në mes tjerash tha se niveli lokal duhet të jetë shembulli më i mirë në promovimin dhe fuqizimin e pozitës së gruas në mënyrë që të ofroj qasje dhe mundësi në të mirë për qytetarët e në fokus të veçantë për gratë dhe vajzat, fëmijët dhe Personat me Nevoja të Veçanta. Sfidë shumë e madhe mbetet mos zbatimi i Ligjit për Barazi Gjinore në praktikë, tha ndër të tjera zyrtarja për Barazi gjinore e komunës së Fushë Kosovës z.Lindita Dervisholli-Prebreza.
Projektet e realizuar me qëllim të promovimit të barazisë gjinore i ka prezantuar, Kryesuesja e Grupit të Grave. Znj.Shemsije Fatahu.
Mirënjohjet për kontributin e grave që kanë dhënë ndër vite inë shëndetësi, Arsim, administratë dhe në asamblenë komunale i ka nda Kryetari i Komunës z.Burim Berisha.
Pjesë e aktiviteteve ishin edhe takimet avokuese me gratë nga viset rurale , në biznes, gratë fermere me qellim të inkurajimit dhe identifikimit të nevojave dhe adresimit te tyre etj.
