Kryetari i Komunës z. Burim Berisha priti sot në takim OJQ-në ‘Terre des Homes’ përfaqësuesit e së cilës e informuan për projektet e deritashme por edhe për projektin që po implementohet në Komunën e Fushë-Kosovë.
OJQ “Terre des Homes” implementon projektin në Komunën e Fushë-Kosovës i cili financohet nga Bashkimi Evropian dhe World Vision. Projekti ka përfshirë punën me organizatat joqeveritare dhe strukturat e komunës.
Qëllimi i projektit është krijimi i politikave mbrojtëse dhe të drejtat e fëmijëve të komuniteteve rom, ashkalinj dhe egjiptas, pastaj puna me grupet ekzistuese joformale dhe grupet e të rinjve. Përveç tjerash kjo organizatë ka ndihmuar në krijimin e të hyrave deri në 500 € për familje dhe janë ndihmuar 13 familje të varfra.
Të dy palët janë zotuar se bashkëpunimi shumë i mirë do të vazhdojë edhe në të ardhmen.
