Para disa ditëve Komuna e Fushë-Kosovës ka vendosur kona metalik përgjatë rrugës me qëllim të lirimit të trotuareve dhe krijimit të parkingjeve gjatësore, mirëpo disa persona të papërgjegjshëm nëpër disa rrugë të qytetit kanë bërë dëmtimin e këtyre koneve.
Komuna e Fushë-Kosovës ka evidentuar këta persona nëpërmjet kamerave të sigurisë së qytetit, të cilat monitorohen nga Stacioni Policor në Fushë-Kosovë. Ndaj këtyre personave është hapur rast në Stacionin Policor dhe do të merren masa ndëshkimore.
Lusim qytetarët të cilët hasin në çfarëdo dëmtimi apo demolimi të bashkëpunojnë me Policinë e Kosovës në mënyrë që të mbrojmë asetet komunale.
