Në prani të kryetarit të komunës z.Burim Berisha është nënshkruar Memorandumi i Mirëkuptimit për plotësimin e sistemit të adresave në territorin e komunës së Fushë Kosovës. Gjatë këtij Memorandumi u tha se zbatimi i sistemit të ri të adresave në Kosovë është duke u zhvilluar mirë. Të gjithë qytetarët dhe institucionet publike duhet të kenë një adresë unike, e cila regjistrohet në regjistrin shtetërorë të adresave dhe shënohet në terren.
Hapat e ardhshëm për kompletimin e sistemit të adresave janë grumbullimi i të dhënave të adresave për përditësimin e Regjistrit të Adresave, prodhimi dhe instalimi i shenjave të emrave të rrugëve dhe shenjave të numrave të adresave në komunë.
Ky aktivitet realizohet në bashkëpunim me Agjencinë Kadastrale të Kosovës e që është i financuar nga Bashkimi Evropian dhe Autoriteti Norvegjez Hartografik.
