U përmbyll Festivali Mbarëkombëtar “Syzi 2016”, i cili u zhvillua për dy ditë në sheshin “Aziz Zhilivoda”, në qendrën e Obiliqit.
Obiliqi, për këto dy ditë bashkoi artistët e këngëve dhe valleve nga të gjitha trojet shqiptare.
Në mesin e artistëve dhe ansambleve të ndryshme, të cilat sollën atmosferë dhe ngrohtësi te publiku, i pranishëm ishte edhe Ansambli i Këngëve dhe i Valleve ‘Zëri i Kosovës’ nga Fushë-Kosova.
Çmimi special “Xhavit Haziri”, i takoi AKV “Bresan” Bresanë.
Çmimi i parë i takoi ansamblit “Ilirida” Shkup.
Çmimi i dytë i takoi ansamblit “Zëri i Kosovës”, Fushë-Kosovë.
Çmimi i tretë i takoi ansamblit “Sardi”- Shkup. Në këtë festival pati edhe shumë çmime individuale për valltarë dhe valltare të ansambleve nga të gjitha trojet shqiptare.
Valltarja Krenare Raqi e Ansamblit “Zëri i Kosovës” nga Fushë-Kosova u vlerësua nga juria e këtij festivali me çmimin ‘Valltarja më e mirë e Festivalit’.
Kënga “Djemtë e Shqipes” kënduar nga rapsodët Ramadan Sahiti, Rrustem Orllati dhe Bekim Krasniqi si dhe vallet me “Motive nga Kavaja” dhe vallja e “Babës” të prezantuara para publikut të shumtë, bënë që ky ansambël të duartrokitet gjatë nga shikues të shumtë që ishin prezent.
