Ftoheni që të merrni pjesë në sesionin informues dhe trajnues për aplikuesit potencial, i cili do të mbahet në sallën e Kuvendit të Komunës së Fushë-Kosovës, më 30 janar 2019, nga ora 12:00. Ky sesion organizohet me qëllimin që t’ju lehtësoj punën për përpilimin e planit të biznesit.
Objektivi i përgjithshëm i kësaj thirrjeje është zhvillimi i balancuar socio-ekonomik rajonal përmes zhvillimit të ndërmarrësisë në pesë rajonet ekonomike të Kosovës.
Synimet specifike të kësaj ‘Thirrjeje’ janë:
- Zvogëlimi i papunësisë përmes krijimit të vendeve të reja të punës, me theks të veçantë për të rinjtë (projekte te reja biznesi / fillestare);
- Përkrahja e zhvillimit të bizneseve të reja dhe atyre me potencial rritjeje, (ndërmarrje ekzistuese deri ne 2 vjet);
- Përkrahja e bizneseve që kontribuojnë në zëvendësimin e importeve, (ndërmarrje të vogla mbi 2 vjet).
Përmes këtij sesioni qytetarët dhe bizneset do të informohen rreth kritereve, mënyrës së aplikimit dhe fushave të cilat mbulohen nga kjo thirrje.
Përkrahja financiare do të ofrohet nga Autoriteti Kontraktues (MZHR)
