Kryetari i komunës, z.Burim Berisha, priti sot në një takim të veçantë myftiun e Kosovës, Mulla Naim Tërnavën, me bashkëpunëtorë.
Pasi ju dëshiroi mirëseardhje të pranishmëve, kryetari Berisha tha se gjendja e përgjithshme në Komunën e Fushë-Kosovës është e mirë, dhe se nuk ka ndonjë tendencë për ndonjë prishje të imazhit të përgjithshëm duke përfshirë edhe spektrin fetar ku lirshëm veprojnë të gjitha konfeksionet fetare.
Myftiu Tërnava nga ana e tij tha se ndihem mirë kur për këtë komunë dëgjoj fjalë të mira dhe se shpreh gatishmërinë e vazhdimit dhe thellimit të mëtutjeshëm të bashkëpunimit ndërmjet komunës së Fushë-Kosovës dhe BIK-ut.
Të dy bashkëbiseduesit u zotuan se edhe në të ardhmen do të punojnë dhe do të angazhohen që kjo klimë ndërfetare të kultivohet dhe të ruhet edhe më shumë.
