Në mbledhjen e parë inauguruese të kuvendit të Komunës së Fushë-Kosovës, kryetari i rizgjedhur z.Burim Berisha para anëtarëve të rinj të këtij Kuvendi ka dhënë betimin solemn.
Në fjalën e tij kryetari Berisha tha se besimi që na u dha nga qytetarët për të qeverisur, kërkon nga të gjithë ne angazhim, punë, respektim të ligjit, transparencë dhe përgjegjësi.
Ne të gjithë së bashku do ta bëjmë punën tonë për një jetë më të mirë dhe më cilësore për të gjithë qytetarët e komunës sonë, që ata të jetojnë të lirë, të qetë, në siguri të plotë, në paqe, harmoni dhe të gëzojnë të gjitha të drejtat demokratike. Shpresoj se katër vitet e ardhshme do të jenë vite të mbara, me suksese, zhvillim ekonomik, shoqëror, politik, kulturorë dhe social, tha kryetari Berisha duke iu drejtua asamblistëve të rinj.
Në këtë seancë inauguruese që e udhëhoqën delegatët më të vjetër, z. Miroslav Velickovic dhe z.Sabit Bullatovci, u betuan 27 anëtarë të Kuvendit të cilët kanë fituar ulëse në zgjedhjet e 3 nëntorit. Përbërja e re e asamblesë komunale është kjo: LDK – 12 delegat, PDK 6 delegat, VV 3 delegat, PD 2, AKR 1, AAK 1, PDAK 1, GIS 1.
Pas dhënies së betimit, delegatët, përveç atyre të VV-së të cilët nuk deshën të votonin, me votim të fshehtë zgjodhën z. Fadil Krasniqin kryesues të Kuvendit, kurse zëvendëskryesues i Kuvendit në bazë të Ligjit për Vetëqeverisje Lokale u zgjodh përfaqësuesi i PDAK – së z.Qerim Gara.
Në seancën solemne inauguruese prezent ishin edhe përfaqësues nga MAPL, OSBE, KFOR, mediat si dhe shumë qytetarë kureshtar të cilët kishin shprehur vullnet të marrin pjesë në këtë ceremoni.
