Të hënën është mbajtur mbledhja e parë e rregullt e Kuvendit të Komunës, ku për diskutim ishin 11 pika për rend dite.
Mbledhja është kryesuar nga kryesuesi i Kuvendit Komunal, z.Ali Ismaili, ndërsa merrnin pjesë nënkryetari i Komunës, z.Fadil Krasniqi, drejtor të drejtorive komunale dhe përfaqësues nga shoqëria civile.
Më poshtë ju sjellim pikat që janë diskutuar e miratuar në mbledhjen e rregullt të Kuvendit të Komunës;
- Aprovimi i ekstrakteve te procesverbaleve nga mbledhjet e datës 03.12.2021 dhe 29.12.2021.
- Pyetje dhe përgjigje parlamentare.
- Informate për emërimin e Drejtoreve të Komunës së Fushë-Kosovës.
- Propozim për shqyrtimin e Planit Vjetor të Punës së Kuvendit të Komunës për vitin 2022.
- Propozim për bartjen e mjeteve financiare nga të hyrat vetjake të vitit 2021, për shpenzim në vitin 2022.
- Propozim për fillimin e procedurave për themelimin e Ndërmarrjes Publike Lokale ‘Fushë-Kosova’.
- Propozim për themelimin e tri Drejtorive të reja të Komunës së Fushë-Kosovës.
- Propozim për formimin e Komisionit për përzgjedhjen e Drejtorëve të shkollave në Fushë-Kosovë.
- Propozim për emërimin e Nënkryetarit të Komunës për Komunitete.
- Propozim për formimin e Grupit Punues për hartimin e Projekt-Rregullores Komunale për Transparencë dhe Planit te Veprimit për Transparencë.
- Të ndryshme.
Përveç pikave të rendit të ditës që ishin të planifikuara për diskutim, këshilltarët komunal diskutuan edhe për formimin e grupit punues për hartimin e rregullores për bashkëpunim me fshatra dhe lagje urbane si dhe caktimin e dy përfaqësuesve të kuvendit të komunës për kuvendin e Asociacionit të Komunave të Kosovës.
