Në takimin e djeshëm u takuan Kryetari i Komunës së Fushë-Kosovës, z.Burim Berisha, dhe Udhëheqësja për Administratë dhe Asamble zonja Debby. Në takim ishin edhe Drejtori për Administratë i Komunës së Fushë-Kosovës dhe USAID-i me programin e quajtur DEMI për të diskutuar lidhur me të arriturat dhe propozimin për të ardhmen lidhur me krijimin e një administrate efektive.
Kryetari aprovoi hartimin e planit për veprim ku janë pasqyruar aktivitetet, përgjegjësitë dhe afatet.
Plani definon aktivitetin në përmirësimin e udhëheqjes dhe menaxhimit, administratën efektive, funksionalizimin e qendrës për shërbim të qytetarëve dhe ngritjen e kapaciteteve në përmirësimin e kapaciteteve ligjore.
Kryetari edhe njëherë falënderoi USAID-in me programin DEMI për ndihmën e ofruar në ngritjen e kapaciteteve profesionale në administratë.
