Komuna e Fushë-Kosovë ka ofruar shërbime cilësore për qytetarë, kushte optimale të punës për stafin mjekësor, ka ofruar tretman të barabartë për të gjitha komunitetet përmes QKMF-së dhe Ambulancave në konceptin e mjekësisë familjare me ndikim në parandalim, mjekim, rehabilitim, edukim, përparim-promovim të shëndetit, kujdesit emergjent – mental-kronik-shtëpiak etj.
Nga faktorët të cilët i rëndojnë jashtë çdo mase shërbimet shëndetësore është numri real i banorëve, i cili është më i madh se sa numri i bazuar në regjistrimet e fundit. Gjatë vitit 2013 ka pasur rritje të vëllimit të punës ku është shënuar rritje e numrit të vizitave mjekësore dhe shërbimeve shëndetësore ku janë realizuar gjithsej 103489 vizita dhe 234104 shërbime shëndetësore.
Në takimin e mbajtur me FSSHK u dakorduam që bashkërisht t’i avancojmë proceset rreth implementimit të kontratës kolektive, gjithashtu të jemi akter të mbështetjes në asociacionin e Komunave në Bordin e Fondit për sigurime shëndetësore.
