Në këtë takim tema kryesore ishte gjendja e sigurisë por me theks të veçantë masat që po ndërmerren për parandalimin e pandemisë botërore COVID-19.
Kryetari Berisha ngriti shqetësimin e tij për daljen e qytetarëve nga ora 6:00 e mëngjesit deri në ora 17:00. Edhe mysafirët nga të dy ministritë informuan se kjo masë nuk po respektohet në të gjithë Kosovën por që pritet të ndërmerren masa edhe më të ashpra në ditët në vijim. Zëvendës ministri Sveqla lavdëroi punën e policisë së Kosovës dhe atyre të shëndetësisë por vigjilenca e qytetarëve në këtë kohë duhet të jetë në nivelin më të lartë të mundshëm.
Kryetari Berisha potencoi edhe një herë se në këtë periudhë pandemike kemi zhvilluar dhjetëra projekte ku janë mbështetur institucionet e nivelit lokal e që janë në shërbim 24/7. Janë mbështetur e po vazhdojnë të mbështeten familjet në nevojë, është bërë dezinfektimi i rrugëve, dezinfektimi i objekteve publike, hyrjet e ndërtesave kolektive, dhe furnizime të tjera që kanë mundësuar një funksionim shumë të mirë të pushtetit lokal. Këto aktivitete do të vazhdojnë edhe ditëve në vijim.
Qendra Kryesore e Mjekësisë Familjare Dr.”Fatmir Krasniqi” e udhëhequr nga drejtori Dr.Osman Maxhera dhe Stacioni i policisë në Fushë Kosovë, me në krye komandantin z. Besart Shaqirin, po bëjnë të pa mundurën duke ofruar shërbim sa më të mirë dhe siguri për të gjithë qytetarët, tha kryetari Beirsha.
Ne fund të takimit ishte vlerësim i përbashkët se jemi në kohë vendimtare në luftë me COVID-19, andaj nga të gjithë kërkohet maturi, kujdes e vigjilencë dhe të mos dilet nga shtëpitë pa pasur nevojë.
