Sot, kryetari i Komunës, z. Burim Berisha, priti në takim udhëheqësin e AQH-së (Accessible Quality Healthcare), z. Nicu Fota, dhe zëvendës udhëheqësen dr. Qamile Ramadani. Në takim prezent ishin edhe drejtori DSHMS, z. Jakup Dumani, dhe drejtori i QKMF-së dr. Osman Maxhera.
Projekti “Kujdesi Shëndetësor i Qasshëm dhe Kualitativ” financohet nga Swiss Agency for Development and Cooperation –SDC dhe implementohet nga Swiss TPH dhe Save the Children. Projekti është fokusuar në përkrahjen e tri shtyllave kryesore:
-Përmirësimin e cilësisë së shërbimeve shëndetësore,
– Ngritjen e kapaciteteve menaxheriale,
– Promovimin dhe edukimin shëndetësor të popullatës.
Kryetari Berisha e falënderoi ekipin udhëheqës të projektit të AQH-së për përkrahjen e ofruar për katër vite radhazi si dhe i njoftoi ata për aktualitetet e Komunës sonë dhe sfidat me të cilat ballafaqohemi.
Nga ana e tij z. Nicu Fota e njoftoi Kryetarin lidhur me aktivitetet e zhvilluara si dhe për vazhdimin e implementimit të këtij projekti.
Në fund të takimit kryetari i Komunës, z. Burim Berisha, dhe udhëheqësit e ekipit të AQH-së shprehën kënaqësinë për vazhdimin e projektit dhe u zotuan se bashkëpunimi do të jetë i frytshëm sikurse në fazën e parë. U pajtuan se ky vazhdim i këtij projekti do të ndikoj shumë në përmirësimin e cilësisë së shërbimeve shëndetësore dhe përmirësimin e shëndetit të popullatës së komunës sonë.
