Sot, Kryetari i Komunës së Fushë-Kosovës, z. Burim Berisha, priti në takim Kryeministrin e Kosovës, z. Ramush Haradinaj së bashku me bashkëpunëtor të tij.
Në një atmosferë shumë miqësore u bisedua për çështjet që janë në dobi të qytetarëve të Komunës së Fushë-Kosovës, gjegjësisht për projektet e realizuara deri më tani dhe për mundësitë e realizimit të projekteve të ardhshme që janë në interes për të gjithë banorët e Komunës sonë.
Kryetari i Komunës dhe Kryeministri i Kosovës në takim u dakorduan që së bashku të angazhohen rreth mundësive për realizimin e projekteve siç janë: realizimi i hartave zonale, shpronësimin e pronave për ndërtim të shkollave, ambulancave, palestrave sportive, varrezave e gjërave tjera që janë të nevojshme për të gjithë banorët e Komunës sonë.
Në fund të takimit të dy palët shprehën gatishmërinë që të vazhdojnë bashkëpunimin edhe në të ardhmen.
