Korriku muaj i plot aktiviteteve kulturore
Edhe pse është kohë e pushimeve, Drejtoria për Kulturë ka ofrua një program por edhe pjesëmarrje të larmishme në festivale e aktivitete kulturore brenda dhe jashtë vendit.
Me Ansamblin e Këngëve dhe Valleve “Zëri i Kosovës” kjo drejtori u përfaqësua në Festivalin tradicional “Anadrinia Jehon 2021” në Dejë të Rahovecit, ku me prezantimin e tyre mbresëlënës bënë për vete publikun dhe jurinë profesionale. Pjesë e pjesëmarrjes në manifestime kulturore ishte edhe ajo në Krrabë të Tiranës, ku ky Ansambël u nderua nga kryetari i Bashkisë z.Lorenc Isufi me mirënjohje të veçantë.
Ndërkohë si i vetmi Ansambël përfaqësues nga Kosova me 23 korrik
Ansambli “Zëri i Kosovës” nga Fushë-Kosovë u kthye me Mirënjohje të larta edhe nga Festivali Ndërkombëtar “Saraj Fest 2021″në Shkup.
Me 30 korrik Ansambli i Këngëve dhe i Valleve “Zëri i Kosovës” shfaqi një program të pasur me këngë e valle për bashkatdhetarët tanë, ky program nuk është i fundit sepse po bëhen përgatitjet që me datë 15 të këtij muaji, në sheshin “Dardania” bashkë edhe me grupe të tjera nga Kosova, të shfaqet edhe një program tjetër i pasur për mërgimtarët. Të gjitha këto aktivitete i paraprijnë “Festivalit Ballkanik Fushë Kosova 2021” i cili do të mbahet me datë 3,4 dhe 5 shtator 2021.
