Komuna e Fushë-Kosovës – Drejtoria e Kulturës, Rinisë dhe Sportit shpall konkurs për të zgjedhur “Krijuesin dhe sportistin e dalluar për vitin 2023”.
Këtë vit çmimet do të ndahen për këto kategori:
- Krijuesi i vitit;
- Sportisti i vitit;
- Trajneri i vitit;
- Klubi më i dalluar;
- Shpresa e sportit;
- Punëtori sportiv;
- Referi i vitit;
- 9 sportistët më të dalluar (në sporte të ndryshme).
Kriteret që duhet të plotësohen për aplikim:
- Aplikuesit duhet të jenë banorë të Komunës së Fushë-Kosovës;
- Krijuesi duhet të këtë botime, publikime, prezantime, etj.;
- Sportistët duhen të jenë pjesëtarë aktive në ndonjërin nga klubet;
- Formulari duhet të shkarkohet nga web-faqja dhe duhet të jetë i plotësuar dhe i vulosur nga personat e autorizuar (trajneri apo nga ndonjë anëtar i klubit përkatës);
- Me rastin e aplikimit duhet të dëshmohen me medalje apo me certifikata rezultatet e arritura gjatë vitit 2023.
Aplikimet duhet të dorëzohen vetëm në formularin e paraparë sipas udhëzuesit për aplikim, që do të jetë në dispozicion në web-faqen e Komunës, linku https://fushekosove.rks-gov.net/, ndërsa thirrjet për sqarime dhe çështje tjera që lidhen me aplikimin mund të bëhen vetëm në mënyrën elektronike në e-mail adresën Agron.Breznica@rks-gov.net.
Afati për dorëzimin e aplikimeve fillon nga data 27.11.2023 dhe përfundon më 11.12.2023
Sqarim shtesë: Aplikacionet duhet të dorëzohen në Zyrën Pritëse ose me anë të postës në adresën: Fushë Kosovë, 12000, Rr. Tahir Zemaj, objekti i Komunës, departamenti i DKRS-së.
Dokumentacioni i kompletuar duhet të dorëzohet në zarfin e mbyllur.
Formularët duhet të plotësohen me anë të kompjuterit.
Ana e jashtme e zarfit duhet ta përmbaj:
- Emrin e thirrjes publike;
- Emrin dhe adresën e plotë të aplikuesit;
- Mbishkrimin “Mos e hap para hapjes zyrtare”.
Aplikacionet të cilat nuk e kanë dokumentacionin e kompletuar do të diskualifikohen.
Dokumentet nuk pranohen pas mbylljes së thirrjes publike.
Formulari për Sportist të Vitit 2023: shkarko këtu
Formulari për Krijues të Vitit 2023: shkarko këtu
