Nga Drejtoria e Kulturës, Rinisë dhe Sportit në Fushë-Kosovë u organizua mbrëmja përmbyllëse e vitit ku edhe u bë zgjedhja e krijuesit të vitit dhe dhjetë sportistëve më të dalluar, Klubi më i dalluar, Trajnerët më të mirë të vitit, Referi më i mirë, Shpresa e sportit, Punëtori sportiv.
Në fjalën e hyrjes në këtë manifestim madhështor, zëvendëskryetari i Komunës z.Besnik Osmani tha se komuna e Fushë Kosovës edhe në këtë vit shquhet për arritje të shumta në kulturë dhe sport. Projekte të shumta janë realizuar në këtë vit, por viti i ardhëm do të gjejë një infrastrukturë sportive më të mirë duke iu ofruar kushte dhe mundësi më të mëdha sportistëve dhe komunitetit të kulturës.
Titulli “Krijues i vitit 2023” këtë vit i takoi shkrimtarit të njohur z.Emin Emini i cili në opusin e tij krijues ka shumë botime.
Fitues në sport ishin:
Klubi më i dalluar i vitit 2023 është shpallur Klubi i Volejbollit për Femra “Fushë Kosova”.
Trajneri më i dalluar i vitit është zgjedhur Burim Shala për sporte kolektive, z.Mustafë Veseli për sporte individuale.
Referi më i dalluar – Ismail Hasolli
Shpresa e Sportit – është Orjana Statovci
Punëtori më i dalluar Sportiv: Isa Prebreza
Ndër dhjetë më të mirët u renditën:
- Mihane Gashani – Volejbolliste
- Lirigzon Maloku – Futbollist
- Enkel Hamiti – Karateist
- Diar Drenovci – Atlet
- Tuana Gërguri – Notare
- Enis Berisha – Futbollist
- Dren Gashi – Karateist
- Vanesa Abazi – Volejbolliste
- Ilir Jashanica – Basketbollist
Sportisti i vitit 2023 në Komunën e Fushë Kosovës u zgjodh Muhamedin Veseli – Xhudist.
