Komunën e Fushë-Kosovës e vizitoi një delegacion me përfaqësues nga Komuna e Silifkes.
Komuna e Fushë-Kosovës i falënderoi mysafirët për vizitën dhe përkrahjen e vazhdueshme që po e bënë Turqia për Republikën e Kosovës.
Në emër të Kryetarit të Komunës së Fushë-Kosovës, z. Burim Berisha, Nënkryetari i Komunës z. Fadil Krasniqi, së bashku me bashkëpunëtorë i njoftoi mysafirët për letërnjoftimin e Komunës, punën kolosale, ambientin për biznes dhe mundësitë e shumta për investime në Komunën e Fushë-Kosovës dhe theksoi se ndër prioritetet e Komunës, janë edhe Investimet që sjellin mundësi për gjenerim të vendeve të reja të punës.
Në fund të takimit u theksua se bashkëpunimi mes Komunës së Fushë-Kosovës dhe asaj të Silifkes, ka ekzistuar edhe në të kaluarën dhe do të vazhdoj edhe në të ardhmen në të mirë të dy Komunave.
