Komuna e Fushë-Kosovës gjatë procesit për OPL ka treguar performancë dhe përkushtim të lartë dhe për këtë qellim nga ana e USAID/DEMI është renditur ne mesin e komunave kampione së bashku me Mitrovicën, Prizrenin dhe Gjilanin.
Për të vazhduar procesi, në bashkëpunim me kryetarin dhe koordinatorin e ekipit, është planifikuar që të mbahet ky kontinuitet përmes trajnimeve të ndryshme ku do të trajtohen temat për ngritje të performancës nëpër drejtori, për të identifikuar ndryshimet dhe për hartimin e planeve të veprimit me qëllim që të jenë edhe më kreativ në hartimin dhe implementimin e planeve të aprovuara.
Tanimë janë përcaktuar dy drejtori, drejtoria për Bujqësi dhe drejtoria për Arsim, me të cilat do të punohet me tërë stafin duke përfshirë edhe shefat e sektorëve dhe stafin tjetër administrativ. Qëllimi është që këto dy drejtori të jenë model për drejtoritë tjera lidhur me menaxhimin, monitorimin dhe implementimin e planit te veprimit, i cili do të hartohet shumë shpejtë.
