Komuna jonë ka vazhduar përpjekjet për krijimin e lehtësirave të të bërit biznes, andaj po bëhet vend që ka përshtatshmërinë më të madhe për të zhvilluar mikrobizneset dhe bizneset e vogla të cilat janë gjenerues të vendeve të reja të punës. Përgjatë vitit 2017 bizneset kanë qenë të liruara nga taksat për ushtrimin e veprimtarive biznesore e cila ka pasur ndërhyrje të favorshme për biznese.
Sipas shënimeve me të cilat disponon Komuna, struktura ekonomike është e dominuar nga mikrobizneset, ku në të shumtën e rasteve janë biznese individuale që bëjnë investim të vogël të kapitalit përderisa ato krijojnë numër të madh të vendeve të reja të punës dhe paraqesin shtyllën kryesore të ekonomisë lokale.
Ndërmarrjet-bizneset aktive sipas madhësisë janar 2018:
Zyra për Biznese përgjatë vitit ka promovuar kushtet që ofron Fushë-Kosova për zhvillimin e biznesit, si rezultat kemi rritje të numrit të bizneseve për 12%, krahasuar me vitin paraprak. Drejtoria e Zhvillimit Ekonomik fton të gjithë partnerët -pjesëmarrësit – përgjegjësit dhe shoqërinë civile, që janë kompetentë për zhvillim ekonomik lokal, të jenë pjesë e diskutimit publik lidhur me procedurat për lirimin nga taksa e biznesit për vitin 2018.
