Elton Musliu, karateist i Klubit të Karatesë: ‘Martial Arts’ Fushë-Kosovë, pas garës së fundit në Bullgari u rëndit i 7 (shtati) në ranglistën e botës në kategorinë e tij. Eltoni, gjatë këtij viti 2018 ka arrit të stoliset me gjithsej 15 medalje të arta duke fituar në turnetë më prestigjioze brenda dhe jashtë vendi.
Suksesi i Eltonit dhe trajnerit të tij, z. Fidair Berisha, na bënë krenarë jo vetëm komunën tonë por edhe Kosovën. Puna e trajnerit dhe angazhimi maksimal i Eltonit sollën këtë sukses të madh që nuk është arritur asnjëherë më parë në Fushë-Kosovë.
Komuna e Fushë-Kosovës-DKRS do të përkrah sportistët dhe sportin e karatesë fuqishëm duke ua lehtësuar atyre pjesëmarrjen në gara të rangut botëror. Gjithashtu, së shpejti, do të fillojë edhe Salla sportive e sporteve luftarake siç është edhe karateja.
Eltonit dhe të gjithë sportistëve nga Fushë-Kosova u dëshirojmë suksese të mëtejme!
