Komuna e Fushë-Kosovës njofton qytetarët se ka filluar të realizohet projekti për vendosjen e rrethojave mbrojtëse në rrugën magjistrale M9, përkatësisht në rrugën e Pejës, duke filluar nga semaforët afër tregut deri tek rreth-rrotullimi në Fushë-Kosovë.
Kjo është vetëm faza e parë e realizimit të këtij projekti dhe sapo të merret leja nga Ministria e Infrastrukturës do të vazhdohet me rrethojën mbrojtëse edhe në drejtim të Prishtinës.
Vendosja e rrethojave mbrojtëse bëhet me qëllim që të parandalohen aksidentet dhe të ofrohet më shumë siguri për qytetarët, të cilët frekuentojnë në këtë rrugë.
