Dje, më 25.05.2015, në Fushë-Kosovë, me iniciativën e Zyrtares për Barazi Gjinore dhe Grupit të grave asambliste, filloi fushata “JAVA E GRUAS” me moton “Gratë lidere të ndryshimeve”, e cila do të zgjas deri më 29.05.2015.
Fushata u hap me një tryezë të përbashkët të grupeve të grave të rajonit të Prishtinës, prezent ishte edhe Kryetari i Komunës, z. Burim Berisha, i cili përshëndeti të pranishmit me një fjalë rasti dhe premtoi përkrahje më të madhe për fuqizimin e pozitës së gruas në shoqëri.
Po ashtu pjesëmarrës në këtë tryezë ishin edhe Grupi i grave deputete të Kuvendit të Kosovës si dhe OSBE-ja e cila përkrahu këtë aktivitet.
Aktivitetet e Javës së Gruas;
Dita e parë – Grumbullimi i fustaneve gjatë javës së fushatës “Mendoj për ty” për gratë viktima të dhunës seksuale gjatë luftës. Takim pune me grupet e grave të rajonit të Prishtinës.
Dita e dytë – Vizitë në terren grave në biznes, debat me gratë në viset rurale;
Dita e tretë – Shkëmbim praktikash me grupin e grave nga Mitrovica;
Dita e katërt – Dorëzimi i fustaneve të grumbulluara në Prishtinë;
Dita e pestë – Panair me ushqime tradicionale.
