Kryetari i Komunës së Fushë-Kosovës, z. Burim Berisha dhe grupi punues komunal për parandalimin dhe zbatimin e masave mbrojtëse për COVID-19, falënderojnë të gjithë punëtorët e Qendrës Kryesore të Mjekësisë Familjare në Fushë-Kosovë me në krye Dr. Osman Maxhera, qytetarët, bizneset dhe punëtorët e ndërmarrjeve publike për kujdesin që po tregojnë në parandalimin dhe zbatimin e masave mbrojtëse kundër këtij virusi.
Në kuadër të këtyre masave parandaluese, është bërë dezinfektimi i objektit të QKMF-së dhe i objektit të Komunës.
Duke njoftuar qytetarët se në komunën e Fushë-Kosovës gjendja është stabile dhe në kontrollë të plotë, apelojmë që të vazhdohet me këtë ritëm në zbatimin e plotë të masave mbrojtëse dhe parandaluese kundër përhapjes së këtij virusi.
Vlenë të përmendet fakti se furnizimi me artikuj ushqimorë, ujë, energji elektrike dhe shërbimet për pastrim të mbeturinave janë duke u bërë në mënyrë të rregullt.
