Pas punës dhe angazhimit të vazhdueshëm njëvjeçar rreth kërkesës për pajisje mjekësore me datë 12.03.2013 Drejtoria e Shëndetësisë dhe Mirëqenie Sociale ka fituar Grantin në vlerë prej 63.850€ nga Qeveria Japoneze, dhe është nënshkruar kontrata e Grantit të projekteve të asistencës bazike për siguri humane të Qeverisë Japoneze.
Qeveria Japoneze ka vendosur dhe ka aprovuar projektin e kërkuar nga drejtori i Shëndetësisë dhe Mirëqenie Sociale Z. Ekrem Berjani si në vijim:
- Projekti për pajisjet e QKMF “Fatmir Krasniqi” Fushë-Kosovë me aparate Mjekësore (63.850 €)
*Shiamdzu Ezy Pro Rad 1
*X-RAY Developer Ecomax 1
*Biochemistry Analyser 120 test for hour 1
Ceremonia e nënshkrimit është mbajtur në prezencën e diplomatit nga Japonia z. Naoyoshi YONEYAMA, dhe përfaqësuesit të Ambasadës Japoneze në Vjenë z. Shigeo IWATANI.
Në emër të Komunës së Fushë-Kosovës, stafit mjekësor dhe të pacientëve, falënderoj dhe u jemi mirënjohës Qeverisë dhe popullit Japonez, Ambasadës Japoneze në Vjenë dhe zyrës Japoneze në Prishtinë për përkrahjen dhe mbështetjen e vazhdueshme që kanë për popullin e Kosovës. Granti për QKMF-në e Fushe-Kosovës do të avancoj shërbimet mjekësore ku përfitues direkt do të jenë të gjithë qytetarët e Komunës së Fushe-Kosovës pa dallim përkatësie etnike dhe fetare.
Pacientët do të jenë përfitues të drejtpërdrejt të shërbimeve mjekësore, këto pajisje do të ndikojnë në ngritjen e cilësisë së shërbimeve shëndetësore në Komunën tonë.
Implementimi i këtij projekti do të bëhet brenda afatit tre mujor.
Vlera e Projektit 63.100€
Kontrata për Grantin e fituar është nënshkruar më 12.03.2013.
