Kryetari Prebreza ka pritur në takim vëllezërit Gjin dhe Lum Rrahmani, nxënës të dalluar dhe përfaqësues të vendit tonë në gara ndërkombëtare.
Gjin dhe Lum Rrahmani kanë marrë pjesë nga data 10–16 janar në garat ndërkombëtare “Neo Science” dhe “Coding Olympiad”, të mbajtura në Orlando, Florida (SHBA), ku kanë arritur rezultate të jashtëzakonshme:
1. Medalje e artë (vendi i parë) në fushën e Inteligjencës Artificiale – Gjin dhe Lum Rrahmani
2. Medalje e artë “Best of the Best” në Biologji – Gjin Rrahmani
3. Medalje e bronztë (vendi i tretë) në Matematikë – Gjin dhe Lum Rrahmani
Vëllezërit Rrahmani kanë përfaqësuar me sukses Kosovën në shumë gara ndërkombëtare në vende të ndryshme si: Emiratet e Bashkuara Arabe, Itali, Holandë, Egjipt, Shtetet e Bashkuara të Amerikës dhe Malajzi, duke fituar çmime dhe medalje të arta në fusha si matematika, shkenca, kodimi, inteligjenca artificiale dhe gjuha angleze.
Komuna e Fushë Kosovës i vlerëson lart këto arritje dhe shpreh mbështetje për sukseset e të rinjve tanë, të cilët me punë, përkushtim dhe dije po e përfaqësojnë denjësisht komunën dhe Kosovën në arenën ndërkombëtare.
