Drejtoria e Kulturës, Rinisë dhe Sportit, në bashkëpunim me Shoqatën e Shkrimtarëve “Naim Frashëri” nga Fushë-Kosova, për të 8-in vit me radhë organizon Manifestimin Letrar ‘Malli Poetik i Kosovës’ në mbështetje financiare të DKRS dhe MKRS. Tashmë ky manifestim po merr karakterin ndërkombëtar. Në Fushë-Kosovë sot poetët lexuan krijimet e tyre poetike në frëngjisht, anglisht, shqip. Kanë marrë pjesë 12 shkrimtarë botëror, kritikë e profesorë Universitar të Oxfordit, Parisit, Prishtinës, Prizrenit, Tiranës, Durrësit, etj. Poetët kishin krijuar vargje për Skënderbeun, Adem Jasharin, Adem Demaçin, prof. Hava Shala-Qyqalla, dashurinë, atdheun, bashkimin kombëtar e për shumë e shumë çështje tjera me motive e tema të ndryshme.
Ky manifestim u cilësua si njëri ndër manifestimet më të mëdhenj në trojet shqiptare. Juria Profesionale ndau tre çmime dhe një e cila mban emrin e të ndjerës, prof. dr. Hava Shala – Qyalla të cilën e fitoi poetja Leonora Bruqaj e të cilën e ndau Nurije Avdiu, Drejtoreshë e DKRS-së në Komunën e Fushë-Kosovës.
Ky projekt do jetë tradicional dhe në të ardhmen pritet të zgjerohet me numër shumë më të madh të pjesëmarrësve poetë botëror.
