Sot në Fushë Kosovë u mbajt Kampionati i Boksit për të rinjtë dhe seniorët në të cilën morën pjesë shumë sportistë anekënd vendit dhe që është mbështetur edhe nga Drejtoria për Kulturë, Rini dhe Sport e Komunës së Fushë Kosovës.
Besnik Osmani, nënkryetar i Komunës ka nënvizuar se komuna jonë është vatër e aktiviteteve të shumta sportive dhe në mesin e saj ka shumë sportist që po arrijnë rezultate shumë të mira por edhe tjerë që përgjatë historisë kanë lënë gjurmë të pashlyeshme.
Me këtë rast ka falënderuar Federatën e Boksit që po vazhdon serinë e sukseseve të punës së vet duke e organizuar këtë ngjarje për individët e rinjtë dhe senior në boks, dhe për bashkëpunimin e mirë me Komunën e Fushë Kosovës.
