Shërbimet e komunës dhe KRP “Pastrimi” njësia në Fushë-Kosovë, kanë filluar sot pastrimin e ambientit në gjithë hapësirën e Parkut Rekreativ “Te Pishat” në Sllatinë . Pastrimi i ambientit edhe këtë vit do të jetë prioritet i komunës së Fushë Kosovës.
Mirëmbajtja e ambientit ku jetojmë por edhe ku pushojmë është prioritet mbi prioritetet andaj kjo do të thotë se nëse mirëmbahet ambienti dhe kujdesemi për te atëherë edhe shëndetin e kemi më të mirë.
Komuna e Fushë-Kosovës përkatësisht shërbimet që e mirëmbajnë këtë park rekreativ, apelojnë te qytetarët që të mos hudhin mbeturina vend e pa vend por ato të vendosen në shportat që janë pranë të gjitha ulëseve dhe në çdo qoshe të rrugëve.
Së bashku ta ruajmë këtë pasuri të rrallë që e ka komuna jonë!
