Ka filluar të përmbyllet edhe faza e IV e ndriçimit publik solar në Komunën e Fushë-Kosovës. Projekti më i realizueshëm në komunën e Fushë-Kosovës, projekt disa vjeçar që do të mbulojë gjithë territorin e komunës duke përfshirë qytetin dhe fshatrat, projekt që nuk do të krijojë shpenzime pasi që të realizohet, projekt me energji alternative dhe projekt sipas standardeve evropiane. Në vitin 2011 Komuna ka instaluar 156 shtylla me ndriçim solar, në vitin 2012 janë instaluar 68, ndërsa gjatë viteve 2013 dhe 2014 do të instalohen edhe nga 100 shtylla solare. I gjithë projekti numëron gjithsej 500 shtylla solare dhe ka vlerën financiare rreth 1 milion euro.
