Në një takim të organizuar në zyrën e kryetarit të komunës së Fushë Kosovës në mes të z.Burim Berisha, kryetar dhe përfaqësuesëve të “Kuwait Society For Relief & Duart e Bamirësisë”, sot u nënshkrua marrëveshja për bashkfinancim në mes të Komunës së Fushë-Kosovës dhe organizatës “Kuwait Society For Relief & Duart e Bamirësisë”, për ndërtimin e Ambulancës së Mjekësisë Familjare në Sllatinë të Madhe.
Duke pasur parasysh numrin e madh të pacientëve që kërkojnë shërbime shëndetësore në fshatin Sllatinë të madhe dhe në fshatrat përreth është parë shumë i nevojshëm ndërtimi i objektit të Qendrës së Mjekësisë Familjare në këtë lokalitet me një sipërfaqe prej 289 m2.
Me këtë projekt Komuna e Fushë-Kosovës synon të ofroj shërbime shëndetësore më cilësore për banorët e kësaj pjese të territorit të komunës dhe në të njëjtën kohë të bëjë shkarkimin e numrit të madh të pacientëve që kërkojnë ndihmë për shërbime dhe vizita shëndetësore në Qendrën Kryesore të Mjekësisë Familjare “Dr. Fatmir Krasniqi” në Fushë-Kosovë
