Organizuar nga Ekipi Veprues për Siguri në Bashkësi dhe në mbështetje të plotë të Komunës dhe Stacionit Policorë në Fushë-Kosovë, është mbajtur tryeza e rrumbullakët ku është diskutuar rreth kësaj teme që në fokus ishte parandalimi dhe adresimi i kësaj dukurie në nivelin komunal.
Në panel të kësaj tryeze ishin Ali Topalli, Koordinator i EVSB në Fushë-Kosovë, Drita Perezic, Këshilltare e lartë në ICITAP, Dee Rodriguez Këshilltare e lartë në TQNJ/ICITAP, Marko Bufo nga BE me projektin e financuar rreth fuqizimit të institucioneve në luftë kundër trafikimit me qenje njerzore dhe dhunë në familje, Ramadan Ahmeti nga Policia e Kosovës, Petrit Sopjani, drejtor i programit në IOM dhe togeri Naser Sinani nga stacioni policorë ne Fushë-Kosovë.
Me diskutimet e tyre kontribuuan edhe drejtori i Qendrës për Punë Sociale, Zyrtarja për Drejtat e Njeriut Lindita Dervisholli, nga DKA Elmije Zymberi, nga organizata rinore AKTI, Rexhep Gojnovci etj.
Të pranishmit në këtë konferencë i përshëndeti z.Jakup Tenava, i cili përgëzoi të pranishmit për organizimin e kësaj konference duke e konsideruar këtë temë si një çështje që kërkon qasje dhe përkushtim edhe më të madh nga të gjitha institucionet dhe shoqëria civile.
Të pranishmit në sallën e Kuvendit që në numër ishin jashtëzakonisht shumë zgjuan një interesim të jashtëzakonshëm me diskutimet e tyre për temën e tryezës duke përfshirë edhe komunitetet prezente.
Në fund të kësaj konference u nxorën edhe rekomandimet të cilat do të shërbejnë për institucionet komunale në mënyrë që t’i qasen edhe më shumë këtij problemi që sa vjen e bëhet edhe më shqetësues për komunën e Fushë-Kosovës.
