Nën drejtimin e zëvendëskryetarit të komunës z. Fadil Krasniqi, është mbajtur mbledhja e parë e KKSB-së ku u diskutuan këto pika: Situata e përgjithshme e Sigurisë në Komunë, Informatë nga QKMF “Fatmir Krasniqi” dhe Informatë e përgjithshme nga Drejtoria e Arsimit.
Kryesuesi i takimit z.Fadil Krasniqi, informoi të pranishmit se situata e përgjithshme në komunën tonë vlerësohet e mirë, pa probleme dhe normale. Të njëjtin mendim ndau edhe kapiteni z. Bekim Zogjani i cili raportoi për situatën e sigurisë për këtë pesëmujorë duke e konsiderua si stabile dhe pa probleme të mëdha. Nuk kemi raportime për ngjarje dhe situata të rënda në komunën e Fushë-Kosovës tha z. Zogjani. Edhe përfaqësuesja e FSK-së znj. Iliriana Bunjaku përmendi mobilizimin sidomos për gjatë sezonës së verës duke thënë se kemi kapacitete të mjaftueshme për zjarrëfikje dhe ndërhyrje të shpejta. znj. Bunjaku ofroi ndihmë dhe bashkëpunim në këtë sezonë vere për emergjenca dhe zjarre.
Drejtori i QKMF-së “Fatmir Krasniqi” z.Osman Maxhera, në fjalën e tij tha se tani pas renovimit në këtë qendër i kemi kushtet më të mira për punë dhe qytetarët mund ti marrin shërbimet më lehtë.
Edhe nga DKA-së u raportua se ky vit shkollorë po vazhdon me suksese pavarësisht sfidave dhe ballafaqimeve që po na përcjellin. Numri i madh i nxënësve nëpër paralele sigurisht se është njëra nga sfidat edhe pse krahasuar me vitet e mëhershme tani kur procesi mësimor po mbahet edhe në dy paralele tjera, gjendja është më e mirë. Këtë vit kemi edhe një numër të mirë të normave që janë lejua nga Ministria e Arsimit që e lehtësojnë mbarëvajtjen e procesit mësimorë tha z. Fadil Krasniqi.
Pjesë e diskutimeve dhe e pyetjeve që u ngritën në këtë takim ishin edhe çështja e fëmijëve që po kërkojnë lëmoshë nëpër ndalesat ku janë semaforët por edhe probleme të tjera që u shtruan për diskutuan siç është siguria nëpër shkolla, qentë endacak, monitorimi i qytetit me anë të kamerave, dhuna në familje, taksit që frekuentojnë në mënyrë jo të rregullt nëpër rrugët e Fushë Kosovës etj.
